(ویب ڈیسک)دنیا کی سب سے بڑی اور طاقتور سولر ٹیلی اسکوپ سے لی گئی سورج کی تصویر جاری کردی گئی۔
غیر ملکی میڈیا رپورٹس کے مطابق سہ جہتی تصویر میں پہلی بار سورج کی سطح کے انتہائی نزدیکی مناظر سامنے آئے ہیں جو انوئے سولر ٹیلی اسکوپ نے کھینچی ہے۔
تصویر میں سورج کی اندرونی فضا میں براعظموں جتنے بڑے سیاہ دھبے بھی نمایاں ہیں، جنہیں ایک پکسل پر 10 کلو میٹر تک کور کرکے دکھایا گیا ہے۔
رپورٹ کے مطابق تصویر سے سائنسدانوں کو سورج کے خطرناک موسموں کی پیش گوئیاں کرنے میں مدد ملےگی ۔
یہ بھی پڑھیں:اسکائپ کا 22 سالہ سفرتمام، کل ہمیشہ کیلئے بند ہوجائیگا
امریکی ریاست ہوائی میں نصب اس ٹیلی اسکوپ کو دنیا کی سب سے طاقتور سولر ٹیلی اسکوپ قرار دیا گیا ہے جو سورج کا مشاہدہ انتہائی گہرائی میں جاکر کرنے کی صلاحیت رکھتی ہے
