پاکستان سپر لیگ (پی ایس ایل) کی انتظامیہ نے فرنچائزز کو غیر ملکی کھلاڑیوں کو دبئی میں روکنے کا کہہ دیا ہے۔
ذرائع کے مطابق پی ایس ایل انتظامیہ نے فرنچائزز سے رابطہ کیا، جو پاک بھارت سیز فائر کے اعلان کے بعد کیا گیا۔
ذرائع کے مطابق فرنچائزز نے غیر ملکیوں کے ساتھ مقامی کھلاڑیوں کو بھی ذہنی طور پر تیار رہنے کا کہہ دیا ہے اور پیغام دیا گیا ہے کہ ممکن ہے پی ایس ایل کےلیے اسلام آباد میں اکٹھا ہونا پڑے۔
ذرائع کے مطابق پی ایس ایل انتظامیہ نے سیزن 10 کے باقی میچز کے حوالے سے ہوم ورک شروع کردیا ہے، کوشش ہوگی کہ بقیہ میچز راولپنڈی اسٹیڈیم میں ہی کرائے جائیں۔
