نئی دہلی (جنگ نیوز) بھارت کا جنگی جنون خود اسے نقصان پہنچانے لگا ہے۔ آئی پی ایل کے بعد بھارتی ریاست ہریانہ میں24مئی کو ہونے والا نیرج چوپڑا کلاسک جیولن تھرو ایونٹ غیر معینہ مدت کے لیے ملتوی کر دیا گیا ہے۔ یہ ایونٹ ورلڈ ایتھلیٹکس کی اے کیٹیگری میں شامل تھا اور اس میں عالمی سطح کے کھلاڑیوں کی شرکت متوقع تھی۔ منتظمین نے فیصلے کی تفصیلات فراہم نہیں کیں۔ نیرج چوپڑا نے اپنے سوشل میڈیا اکاؤنٹ پر لکھا کہ موجودہ حالات ان مقابلوں کے انعقاد کی اجازت نہیں دیتے۔
