کراچی(اسٹاف رپورٹر)پاکستان ون ڈے کرکٹ ٹیم کے کپتان محمد رضوان نے کہا ہے ہم نے اللہ کے پاک کلام سے یہ سیکھا ہے کہ جنگ مت کرو ، لیکن اگر تم پر جنگ تھوپ دی جائے تو پھر پیچھے مت ہٹو۔ محمد رضوان نے سوشل میڈیا پر لکھا کہ پاکستان بہت عرصے سے دہشت گردی کا شکار رہا ہے ، ہماری نسلیں گولیوں کی تڑتڑاہت اور دھماکوں کی گونج سن کر بڑی ہوئی ہیں ، اس مٹی میں شہیدوں کا لہو ہے ، یہاں اب بھی ایسے نوجوان زندہ ہیں جوموت سے ایسے محبت کرتے ہیں جیسے کچھ لوگ زندگی سے کرتے ہیں۔ ایسی قوم کو کوئی ہرا نہیں سکتا ۔
