بھارتی نوجوان نے پاکستان مخالف بیان دینے پر مجبور کرنے والے صحافی کو آڑے ہاتھوں لے لیا۔
سوشل میڈیا پر ایک ویڈیو بہت تیزی سے وائرل ہو رہی ہے جس میں ایک بھارتی صحافی ایک نوجوان کو پاکستان مخالف بیان دینے پر مجبور کرتے نظر آ رہا۔
بھارتی صحافی نے پاکستان کا دفاع کرنے والے نوجوان سے پوچھا کہ آپ کا نام کیا ہے اور آپ کا تعلق کہاں سے ہے؟
نوجوان نے بھارتی صحافی کے سوال کا جواب دیتے ہوئے کہا، ’میرا نام محمد کیف ہے اور میں بہار سے ہوں۔‘
بھارتی صحافی نے نوجوان سے کہا کہ ’آپ کو تھوڑی سی بھی شرم نہیں آ رہی کہ بھارت میں رہتے ہوئے آپ پاکستان کا دفاع کر رہے ہو؟‘
نوجوان نے بھارتی صحافی کو جواب میں کہا، ’اچھا اور آپ جو یہ خبر بنا رہے ہو تو آپ کو شرم نہیں آ رہی کہ کیا خبر بنا رہے ہو؟ ہندو اور مسلمانوں کے بارے میں جھوٹی خبریں بنا کر پھیلا رہے ہو اور مجھے یہ بتاؤ کے اس معاملے میں بھارت کا دفاع کیوں کرنا ہے؟ پاکستان میں بھی ہندو اور مسلمان دونوں رہتے ہیں تو پھر کیوں ختم کرنا ہے؟‘
نوجوان نے مزید کہا، ’سب انسان ہیں، سب کو زندگی جینے کا پورا حق ہے اور میں اس معاملے میں پاکستان کا دفاع کرتا ہوں۔‘
