سری لنکا تینوں فارمیٹس میں پاکستان سے آگے

کراچی (اسٹاف رپورٹر) آئی سی سی نے تازہ عالمی رینکنگ جاری کی ہے جس کے مطابق سری لنکا تینوں فارمیٹس میں پاکستان کو پیچھے چھوڑ دیا ہے ۔ پاکستان ٹیسٹ رینکنگ میں ساتویں، ون ڈے میں پانچویں اور ٹی 20 میں آٹھویں نمبر پر چلا گیا۔ آسٹریلیا نے ٹیسٹ فارمیٹ میں نمبر ون پوزیشن برقرار رکھی ہے ۔ انگلینڈ کی ٹیم جنوبی افریقا اور بھارت کو پیچھے چھوڑ کر دوسرے نمبر پر آ گئی ہے، ٹیسٹ رینکنگ میں جنوبی افریقہ تیسرے اور بھارت چوتھے نمبر پر ہے۔ نیوزی لینڈ پانچویں، سری لنکا چھٹے، پاکستان ساتویں، ویسٹ انڈیز 8ویں، بنگلا دیش 9 ویں اور زمبابوے 10ویں نمبر پر ہے۔ جبکہ بھارت نے ون ڈے اور ٹی 20 میں ٹاپ پوزیشن اپنے نام کرلی۔ سالانہ اپڈیٹ کے مطابق آسٹریلیا 126 ریٹنگ پوائنٹس کے ساتھ ٹیسٹ رینکنگ میں پہلے نمبر پر ہے البتہ اس کی برتری اب صرف 13 پوائنٹس کی رہ گئی ہے۔ انگلینڈ دوسرے، جنوبی افریقہ تیسرے اور بھارت چوتھے نمبر پر چلے گئے ہیں۔ ون ڈے فارمیٹ میں بھارت نے چیمپئنز ٹرافی جیتنے کے بعد 124 ریٹنگ پوائنٹس کے ساتھ اپنی پہلی پوزیشن مزید مضبوط کر لی۔ نیوزی لینڈ دوسرے، آسٹریلیا تیسرے، سری لنکا چوتھے نمبر پر آگئی۔ سری لنکا چوتھے اور پاکستان پانچویں نمبر پر ہے۔ ٹی ٹوئنٹی میں بھی بھارت نے اپنی نمبر ون پوزیشن برقرار رکھی ہے۔