کراچی ( اسٹاف رپورٹر)کرنسی مارکیٹ،انٹر بینک میں ڈالر کی قیمت 15پیسے اور اوپن مارکیٹ میں 6پیسے تک بڑھ گئی،یورو کی قیمت میں 1.08 روپے کا اضافہ،پاؤنڈ کی قیمت بھی92پیسے تک بڑھ گئی، فاریکس ایسوسی ایشن کی جاری کردہ رپورٹ کے مطابق پیر کو روپے کے مقابلے پر انٹر بینک میں 15پیسے کے اضافے سے ڈالر کی قیمت خرید 281.10 روپے سے بڑھ کر 281.25روپے اور قیمت فروخت 281.30روپے سے بڑھ کر 281.45 روپے ہو گئی ہے،اوپن مارکیٹ میں ڈالر کی قیمت خرید 6 پیسے کے اضافےسے 281.40 روپے سے بڑھ کر 281.46 روپے ہو گئی لیکن قیمت فروخت 282.90روپے پر برقرار رہی، فاریکس رپورٹ کے مطابق یورو کی قیمت خرید 1.08روپے کے اضافے سے 317.54روپے سے بڑھ کر 318.62 روپے اور قیمت فروخت 1.07روپے کے اضافے سے 320.59روپے سے بڑھ کر 321.66 روپے ہو گئی ہے ،رپورٹ کے مطابق پیر کو برطانوی پاؤنڈ کی قیمت خرید 92پیسے کے اضافے سے 373.05 روپے سے بڑھ کر 373.97 روپے اور قیمت فروخت 77پیسے کے اضافے سے 376.64 روپے سے بڑھ کر 377.41روپے ہو گئی۔
