جیو ٹیلی ویژن کے شائقین کیلئے پیر سے نئے ڈرامہ سیریل ”ایک لفظ زندگی“ کا آغاز ہوگا۔
محبت، رشتوں کے بیچ بگڑتا توازن اور بدگمانیوں کے گرد گھومتی کہانی ثمینہ اعجاز کے قلم کا شاہکار ہے جسے ثاقب ظفر خان کی ہدایات میں عکس بند کیا گیا ہے۔
صابر ظفر کے لکھے گئے گیت کو شانی ارشد نے اپنی آواز اور سنگیت کے ساتھ ترتیب دے کر کہانی کی رونمائی کردی ہے۔
سیونتھ اسکائی انٹرٹینمنٹ کے بینر تلے تخلیق کئے گئے ڈرامے کے پروڈیوسرز عبداللہ کادوانی اور اسد قریشی ریت کی طرح بکھرتی حور کی زندگی کو کس طرح سمیٹ پائیں گے؟۔
یہ سارا احوال ناظرین اس نئے سیریل میں 5 مئی بروز پیر سے روزانہ رات 7 بجے جیوٹی وی پرملاحظہ کرسکیں گے۔
