مقبوضہ جموں و کشمیر صحافیوں کےلیے دنیا کے خطرناک ترین مقامات میں سے ایک ہے۔
کشمیر میڈیا سروس (کے ایم ایس) کی رپورٹ کے مطابق مقبوضہ کشمیر میں صحافی مشکل ترین حالات میں فرائض انجام دے رہے ہیں۔
رپورٹ کے مطابق مقبوضہ کشمیر میں 1989 سے اب تک 20 صحافی فرائض انجام دیتے ہوئے قتل کردیے گئے۔
کے ایم ایس کی رپورٹ کے مطابق 2019 مقبوضہ وادی کی خصوصی حیثیت کے خاتمے کے بعد آزادی صحافت میں شدید تنزلی ریکارڈ کی گئی۔
رپورٹ کے مطابق آرٹیکل 370 کی منسوخی کے بعد صحافیوں کو کالے قوانین کے تحت ہراسانی، دھمکیوں اور پابندیوں کا سامنا ہے۔
کے ایم ایس کی رپورٹ کے مطابق غیر ملکی نامہ نگاروں کو مقبوضہ علاقے تک رسائی نہیں دی جا رہی ہے، کالے قانون کے تحت کشمیری صحافیوں کو سالوں سے قید کر رکھا گیا ہے۔
مقامی صحافی تنظیموں نے مطالبہ کیا کہ آزادی صحافت کو یقینی بنانے کے لیے عالمی برادری بھارت پر دباؤ ڈالے۔
