اسلام آباد کلب کے سامنے ایک شخص پولیس سے تنگ آکر موبائل فون ٹاور پر چڑھ گیا، پولیس اور ریسکیو اہلکار ٹاور پر چڑھے شخص کو اتارنے پہنچ گئے۔
ضلعی انتظامیہ کی جانب سے شہری کے ساتھ مذاکرات کیے گئے، جس کے بعد ریسکیو اہلکار کی کوشش سے شہری ٹاور سے اترنے پر تیار ہوا۔
ٹاور پر چڑھنے والے محسن نامی شہری کا کہنا ہے کہ پولیس تنگ کرتی ہے، احتجاجاً” ٹاور پر چڑھا۔
پولیس کا کہنا ہے کہ ٹاور پر چڑھنے والا شخص گاڑیاں دھونے کا کام کرتا ہے، یہ شخص 3 ماہ پہلے ایف سیون ٹاور پر چڑھا تھا، ٹاور پر چڑھنے والے شخص کو تھانہ سیکریٹریٹ منتقل کردیا گیا۔
