16 انٹر نیشنل مقابلوں میں ناقابل شکست پاکستان کے پروفیشنل باکسر عثمان وزیر نے کہا ہے کہ کھیلوں میں پاکستان کا مستقبل روشن ہے لیکن تعلیمی اداروں کو نئی نسل کے چیمپئنز بنانے میں بھرپور کردار ادا کرنا ہوگا۔
انہوں نے ان خیالات اظہار ایک نجی یونیورسٹی کے کے دورہ کے موقع پر کیا۔
ایشین بوائے کے نام سے معروف عثمان وزیر نے اپنے کیریئر کے تجربات شیئر کرنے کے ساتھ کھلاڑیوں کی حوصلہ افزائی اور کھیلوں میں اعلیٰ معیار کے فروغ پر گفتگو کی۔
یونیورسٹی نے عثمان وزیر کوخدمات کے اعتراف میں یادگاری شیلڈ پیش کی۔
اس موقع پر لیجنڈری باکسر علی بخش بلوچ، قومی باکسنگ ٹیم کے کوچ دوست محمد بلوچ،میڈیا کوآرڈینیٹر کاشف احمد فاروقی و دیگر موجود تھے۔
