اقوام متحدہ کے سیکریٹری جنرل انتونیو گوتریس نے کئی ممالک کو فون کرکے یاد دلایا ہے کہ اسرائیل اور فلسطین کے درمیان دو ریاستی حل کو بھول نہیں جانا چاہیے۔
اپنے سوشل میڈیا اکاؤنٹ پر دی گئی اطلاع کے مطابق انتونیو گوتریس نے کہا ہے کہ ‘دنیا فلسطین اور اسرائیل کے درمیان دو ریاستی حل کو غائب ہوتے دیکھنے کی متحمل نہیں ہو سکتی’۔
اس حوالے سے انتونیو گوتریس نے مزید آگاہ کیا کہ میں نے اقوام متحدہ کے رکن دنیا کے کئی ممالک کے سربراہان مملکت و حکومت کو کال کرکے کہا ہے کہ وہ ‘دو ریاستی حل کو نافذ کرنے کے لیے ناقابل واپسی اقدام کریں اور کسی بھی طرف کے انتہاپسندوں سے امن کی باقیات کو کمزور نہ ہونے دیں’۔
