امریکی حکام ٹیرف معاملے پر بات چیت کے لیے چینی ہم منصبوں سے رابطہ کرنے لگے۔
چینی میڈیا کے مطابق امریکا مختلف چینلز پر فعال طور پر چین سے بات کرنے کے لیے رابطہ کر رہا ہے۔ ایک مذاکراتی نقطہ نظر سے امریکا اس وقت زیادہ بے چین فریق ہے۔
چینی میڈیا کے مطابق ٹرمپ انتظامیہ مختلف دباؤ کا سامنا کر رہی ہے۔
دوسری جانب غیرملکی میڈیا کا کہنا ہے کہ امریکی صدر کا دعویٰ ہے کہ چین نے مذاکرات کے لیے رابطہ کیا ہے جبکہ امریکی صدر کے دعوے کی چین سختی سے تردید کرچکا ہے۔
اس سے قبل یہ بات سامنے آئی تھی کہ ٹیرف معاملے پر دونوں ملکوں کے درمیان برف پگھلنے لگی ہے۔
غیرملکی نیوز ایجنسی کی رپورٹ میں بتایا گیا تھا کہ چین نے امریکی درآمدات پر عائد 125 فیصد ٹیرف میں سے کچھ کو ختم کردیا ہے اور کمپنیوں سے کہا ہے کہ وہ ان اہم اشیاء کی نشاندہی کریں جن کی انہیں بغیر ڈیوٹی کے درآمد کی ضرورت ہے۔
