ہائی اسکورنگ گیمز کی ڈیمانڈ ہے تو رنز تو پڑیں گے: حارث رؤف

لاہور قلندرز کے فاسٹ بولر فاسٹ بولر حارث رؤف نے کہا ہے کہ ہائی اسکورنگ گیمز کی ڈیمانڈ ہےتو رنز تو پڑیں گے۔

حارث رؤف نے بتایا ہے شاہین آفریدی اور میں نے ایک ساتھ بہت زیادہ کرکٹ کھیلی ہے جس کی وجہ سے ہماری کمیونیکیشن اچھی ہو چکی ہے۔

انہوں نے کہا ہے کہ ہمیں ایک دوسرے پر اعتماد ہے، ایشیا کپ اور ٹی ٹوئنٹی ورلڈکپ پر فوکس ہے۔

فاسٹ بولر نے اس حوالے سے مزید بتایا کہ ہمارا مائنڈ سیٹ ایک ہی ہے کہ پاکستان ٹیم کےلیے بہترین دینا ہے۔

پی ایس ایل میں اپنی ٹیم لاہور قلندر کے حوالے سے بات کرتے ہوئے حارث رؤف نے کہا ہے کہ پی ایس ایل 10 میں ٹیم کی کارکردگی ابھی بہت اچھی جا رہی ہے، ہر مرحلے میں اچھی کارکردگی کا مظاہرہ کر رہے ہیں۔

ٹی ٹوئنٹی میں بڑے اسکور کے ٹرینڈ پر اپنی رائے کا اظہار کرتے ہوئے انہوں نے کہا ہے کہ دنیا بھر میں دیکھیں، فاسٹ بولرز کو جد و جہد کرنا پڑتی ہے، میں اس بات کی فکر نہیں کرتا کہ رنز پڑنے پر لوگ تنقید کرتے ہیں، جس طرح کی ہائی اسکورنگ گیمز کی ڈیمانڈ ہےتو پھر بڑا اسکور تو بنے گا۔