( 24 نیوز )ایپل کی جانب سے مختلف یورپی ممالک میں آئی فون 15 پرو اور آئی فون 15 پرو میکس ماڈلز کو کم قیمتوں پر دوبارہ متعارف کروا دیا گیا۔
میڈیا رپورٹس کے مطابق اسپین، جرمنی، فرانس، اٹلی اور سوئٹزرلینڈ جیسے ممالک میں آئی فون 15 پرو کے ریفربشڈ ورژن خریدا جا سکتا ہے۔ مثال کے طور پر، 128GB ماڈل اب 949 یوروز کی قیمت پر دستیاب ہے، جو پہلے 1,119 یوروز میں دستیاب تھا، اور 512GB ورژن 1,269 یوروز میں فروخت ہو رہا ہے، جس میں 230 یوروز کی کمی ہوئی ہے۔
آئی فون 15 پرو میکس ماڈلز کی قیمتوں میں بھی کمی آئی ہے۔ 512GB ورژن اب 1,359 یوروز میں دستیاب ہے، جس کی قیمت پہلے 1,599 یوروز تھی۔
یہ بھی پڑھیں:62سالہ اداکارہ دنیا کی خوبصورت ترین خاتون قرار
رپورٹ کے مطابق یہ ریفربشڈ فونز مکمل جانچ اور مرمت کے عمل سے گزرتے ہیں تاکہ یہ ایپل کے معیار پر پورا اتر سکیں۔ ان کو صاف کیا جاتا ہے، خوبصورتی کے ساتھ دوبارہ پیک کیا جاتا ہے، اور وارنٹی کے ساتھ فروخت کیا جاتا ہے۔
فی الحال یہ ریفربشڈ ماڈلز صرف چند یورپی ممالک میں دستیاب ہیں، لیکن توقع ہے کہ ایپل انہیں دیگر ممالک جیسے امریکہ اور برطانیہ میں بھی جلد پیش کرے گا۔
ماہرین کا خیال ہے کہ آئی فون 15 پرو کی امریکہ میں 128 جی بی ماڈل کی قیمت لگ بھگ 849 ڈالر ہوسکتی ہے، جو اس کی اصل قیمت 999 ڈالر سے 150 ڈالر کم ہوگی۔
