(ویب ڈیسک)ہالی ووڈ کی 62 سالہ اداکارہ ڈیمی مور کو 2025ء کی دنیا کی خوبصورت ترین شخصیت قرار دے دیا گیا۔
غیرملکی میڈیا کی رپورٹ کے مطابق ہالی ووڈ کی معروف اداکارہ ڈیمی مور کو”پیپل میگزین” کی جانب سے 2025 کی “دنیا کی خوبصورت ترین شخصیت” کا اعزاز دیا گیا ہے۔
ڈیمی مور نےپیپل میگزین کو دیئے گئے انٹرویو میں عمر رسیدگی، خوبصورتی اور خود کو قبول کرنے کے بارے میں کھل کر بات کی اور کہا کہ وہ اپنی عمر کے مطابق اپنے خدوخال کی زیادہ قدر کرتی ہیں اور اگرچہ کبھی کبھار آئینے میں وہ خود کو دیکھ کر عمر رسیدہ محسوس کرتی ہیں،تاہم اپنی صحت اور فٹنس پر توجہ مرکوز رکھتی ہیں۔
ہالی ووڈ اداکارہ نے اپنی جوانی کے دور کو یاد کرتے ہوئے کہا کہ اُس وقت صرف جسمانی خوبصورتی کو اہمیت دی جاتی تھی، لیکن اب وہ صحت، ذہنی سکون اور زندگی کے معیار کو زیادہ اہم سمجھتی ہیں۔
یہ بھی پڑھیں:مہوش حیات بھی کراچی کی گرمی سے پریشان؛ شوٹنگ کے دوران پسینے پسینے ہوگئیں
واضح رہے کہ ڈیمی مور کو 2025 میں ان کی فلم The Substance میں بہترین اداکاری پر خوب سَراہا گیا تھا، وہ AG ایوارڈ، گولڈن گلوبز اور کریٹکس چوائس سمیت کئی اعزازات اپنے نام کرچکی ہیں جبکہ آسکر کے لیے بھی انہیں ایک بار نامزد کیا جاچکاہے۔
