(زاہد چودھری)ایم بی بی ایس سیکنڈ پروفیشنل کے نتائج کا اعلان کر دیا گیا۔
یونیورسٹی آف ہیلتھ سائنسز نے ایم بی بی ایس سیکنڈ پروفیشنل سالانہ امتحانات 2024کے نتائج کا اعلان کر دیا،45 میڈیکل کالجوں کے 5425 امیدواروں نے امتحان میں شرکت کی،4687 پاس جبکہ 728 فیل قرار پائے ، کامیابی کا تناسب 86.56 فیصد رہا ۔
ترجمان یو ایچ ایس کے مطابق عزیز فاطمہ میڈیکل کالج فیصل آباد کے محمد حسان امتیاز نے 900 /826 نمبر لے کر پہلی پوزیشن حاصل کی،شیخ خلیفہ بن زید النہیان میڈیکل کالج لاہور کے اسد علی نے 817 نمبروں کے ساتھ دوسری پوزیشن حاصل کی،عزیز فاطمہ میڈیکل کالج فیصل آباد کی آمنہ مفتی نے 804 نمبر لے کر تیسری پوزیشن حاصل کی۔
ترجمان کا مزید کہناتھا کہ تمام نتائج یونیورسٹی آف ہیلتھ سائنسز کی ویب سائٹ پر دیکھے جا سکتے ہیں۔
یہ بھی پڑھیں:ڈالر کی پیشقدمی روکنے کی تمام تدابیر ناکام ،مہنگا ہو کرقیمت کہاں پہنچ گئی؟جانیے
