(24 نیوز)یونائیٹڈ ایئرلائنز کی ڈینور سے ایڈمنٹن جانے والی پرواز کو انجن میں آگ لگنے کے باعث ہنگامی لینڈنگ کرنا پڑی، وجہ ایک خرگوش کا جہاز کے ٹربائن میں پھنس جانا بتائی گئی ہے۔
واقعہ اتوار کے روز پیش آیا، جب 159 مسافروں سے بھرا طیارہ پرواز کے فوراً بعد مشکل میں آ گیا، مسافروں نے بتایا کہ جہاز کے دائیں انجن سے شعلے نکلتے دیکھے گئے اور زوردار آوازیں سنائی دیں، جس سے کیبن میں خوف و ہراس پھیل گیا۔
ایک مسافر وائیٹ مککری کے مطابق “ہر چند لمحے بعد انجن سے دھماکے کی آواز آتی، پھر ایک زبردست آگ کا گولا نکلا، سب لوگ گھبرا گئے”
مزید پڑھیں:فلوریڈا کی یونیورسٹی میں فائرنگ،6 افراد ہلاک
مقامی میڈیا کے مطابق، یہ واقعہ “وائلڈ لائف اسٹرائیک” کا نتیجہ تھا، جس کا مطلب ہے کہ کسی جانور کے جہاز سے ٹکرا جانے سے خرابی پیدا ہوئی، عینی شاہدین نے دعویٰ کیا کہ ایک خرگوش ٹربائن میں کھنچ گیا جس سے انجن میں آگ لگ گئی۔
واقعے کے بعد طیارہ تقریباً 75 منٹ بعد واپس ایئرپورٹ پر اترا اور محفوظ لینڈنگ کی، خوش قسمتی سے کسی مسافر کو نقصان نہیں پہنچا، یونائیٹڈ ایئرلائنز کے ترجمان کے مطابق مسافروں کو لے جانے کے لیے متبادل طیارہ فراہم کر دیا گیا ہے۔
