کراچی (جنگ نیوز) سابق ٹیسٹ کپتان ظہیر عباس نے بابراعظم کو بیڈ پیچ سے نکلنے کیلئے سینئرز سے بات کرنے کا مشورہ دیا ہے۔ ایک انٹرویو میں ایشین بریڈمین نے کہا کہ بابر یا تو شرمیلے یا اناپرست ہیں جو کسی سے رہنمائی نہیں لے رہے۔ موجودہ بحران سے نکلنے کیلئے انہیں سینئر کھلاڑیوں سے مشورہ لینا چاہیے، سابق بھارتی بیٹر اظہرالدین نے 1989-90 کے دورئہ پاکستان میں مجھ سے رائے لی تھی،میں نے انھیں بیٹنگ گرپ بدلنے کا مشورہ دیا تھا جس سے کارکردگی میں بہتری آئی تھی۔ انہوں نے بابراعظم کی بیٹنگ تکنیک پر تبصرہ کرتے ہوئے کہا کہ حالیہ میچز میں وہ جلد بازی میں شاٹس کھیلتے ہوئے آئوٹ ہورہے ہیں، تکنیکی مسائل پر توجہ دیں اور سینئرز سے رہنمائی لیں تاکہ فارم میں واپس آ سکیں۔ اسی طرح یونس خان نے ایک موقع پر بری فارم سے چھٹکار اپانےکیلئے اظہرالدین کے مشورے پر عمل کیا تھا۔ دوسری جانب سابق کرکٹر یونس خان نے پر کہا کہ بابراعظم اس وقت بیڈ پیچ سے گزر رہے ہیں، ایسے میں ہر کسی کا ان کو مشورے دینا درست رویہ نہیں۔ کھلاڑی کو بیڈ پیچ سے نکلنے کیلئے سب سے ضروری یہ ہے کہ بنیادی کرکٹ پر واپس جائے۔
