امریکی خاتون محبت کی شادی کرنے کے لیے بھارتی ریاست آندھرا پردیش کے گاؤں پہنچ گئی۔
بھارتی میڈیا کے مطابق امریکی خاتون جیکولین فاریرو ایک فوٹوگرافر ہیں، ان کو چندن نامی شخص سے سوشل میڈیا پلیٹ فارم انسٹاگرام کے ذریعے محبت ہوئی۔
بھارتی میڈیا کے مطابق امریکی خاتون بھارتی شخص کی سادگی سے بہت متاثر ہوئی ہیں۔
ان دونوں کی پہلی بات چیت کے بعد محبت تک کا سفر 14 ماہ میں مکمل ہوا اور اب یہ دونوں شادی کرنے کی منصوبہ بندی کر رہے ہیں۔
امریکی خاتون کے مطابق چندن عیسائی ہے، جسے شادی کے لیے والدہ کی رضامندی بھی حاصل ہے۔
امریکی خاتون کا کہنا ہے کہ میں لڑکے سے عمر میں 9 سال بڑی ہوں، لوگ ہمارے تعلقات کو لے کر ملے جلے ردِعمل کا اظہار کر رہے ہیں۔
