ملک بھر کیلئے بجلی 1.71 روپے سستی کرنے کی حکومتی درخواست پر نیپرا کل سماعت کرے گا۔
نیشنل الیکٹرک پاور ریگولیٹری اتھارٹی (نیپرا) کا کہنا ہے کہ بجلی کی قیمت میں کمی ٹیرف سبسڈی میں اضافے کے ذریعے کرنے کی درخواست ہے، کے الیکٹرک سمیت تمام کمپنیوں پر کمی کا اطلاق کرنے کی درخواست کی گئی ہے۔
وفاقی حکومت نے کمی کا اطلاق اپریل تا جون2025 کیلئے کرنے کی تجویز دی ہے، وفاقی حکومت اس عرصے کیلئے ایک روپے71 پیسے فی یونٹ سبسڈی میں اضافہ کرے گی۔
نیپرا کے فیصلے کے بعد ٹیرف سبسڈی میں اضافے کے ذریعے بجلی سستی کی جائے گی۔
