ون ڈے فارمیٹ میں پاکستان ٹیم کے کپتان محمد رضوان کا نیوزی لینڈ سے سیریز ہارنے کے بعد بیان سامنے آگیا۔
آج نیوزی لینڈ نے تین ایک روزہ میچز کی سیریز کے دوسرے میچ میں پاکستان کو 84 رنز سے ہرا کر سیریز میں فیصلہ کُن برتری حاصل کرلی۔
میچ کے بعد ہیملٹن میں گفتگو کرتے ہوئے کپتان محمد رضوان نے کہا کہ نیوزی لینڈ کی کنڈیشنز اچھی نہیں ہیں، ہمارے بولرز سوئنگ نہیں کرسکے، کیوی بولرز نے اچھی بولنگ کی۔
محمد رضوان نے کہا کہ یہاں کی کنڈیشنز چیلنجنگ ہیں مگر یہ کوئی معذرت نہیں، کچھ عرصے سے ہم میچ کے اہم مواقع ضائع کررہے ہیں۔
انہوں نے کہا کہ ہماری کارکردگی مایوس کُن رہی، فہیم اشرف اور نسیم شاہ نے بہترین بیٹنگ کی۔
