پاکستانی اداکارہ ہانیہ عامر جو اپنی معصومانہ مسکراہٹ اور شاندار اداکاری کے لیے مشہور ہیں، اس وقت برطانیہ میں مختلف تقریبات میں شرکت کر رہی ہیں۔
وہ پاکستان کی سب سے زیادہ فالو کی جانے والی اداکارہ ہیں، جن کے انسٹاگرام پر 17.9 ملین فالوورز ہیں۔
ہانیہ عامر کو حال ہی میں برطانوی پارلیمنٹ میں ریکگنیشن ایوارڈ سے نوازا گیا، جس کے بعد پاکستانی کمیونٹی نے ان کے اعزاز میں تقریبات منعقد کیں۔
اسی دوران ان کی ایک ویڈیو سوشل میڈیا پر تیزی سے وائرل ہو رہی ہے، جس میں انہیں ایک تقریب میں داخل ہوتے ہوئے دیکھا جا سکتا ہے، جہاں صحافیوں نے انہیں اچانک روک لیا۔
جب ہانیہ عامر کو رپورٹرز نے روکا، تو انہوں نے چند لمحے انتظار کرنے کو کہا اور خود کو انٹرویو کے لیے تیار کرنے کی کوشش کی۔
اسی دوران انہوں نے کوئی چیز اپنی مینیجر مائدہ عظمت کو دینے کی کوشش کی، جو زمین پر گر گئی۔
جس کے بعد سوشل میڈیا صارفین میں بحث چھڑ گئی کہ ہانیہ عامر کچھ چھپانے کی کوشش کر رہی تھیں، کچھ کا دعویٰ ہے کہ وہ ویپ یا لائٹر چھپا رہی تھیں، جبکہ کچھ کے مطابق وہ لپ گلوس یا لپ اسٹک تھی۔
ایک صارف نے لکھا ہے کہ ہم نے دیکھ لیا کہ وہ کیا چھپا رہی تھیں، دوسرے نے تبصرہ کیا اوہ! تو وہ بھی اسموک کرتی ہیں؟
ایک اور صارف نے کہا کہ شرم آنی چاہیے ان لوگوں کو جو کہہ رہے ہیں کہ یہ ویپ ہے، یہ ان کا لپ گلوس ہے۔
ایک مداح نے لکھا کہ سب انڈسٹری کے لوگ اسموک کرتے ہیں، تو اگر وہ کر بھی رہی تھی تو کیا ہوا؟
