یمن کے حوثی گروپ نے اسرائیل پر ایک بیلسٹک میزائل داغنے کی ذمے داری قبول کی ہے، جسے اسرائیلی دفاعی نظام نے فضا میں ہی تباہ کر دیا۔
حوثیوں کے فوجی ترجمان نے کہا ہے کہ یہ میزائل تل ابیب کے قریب بن گوریان ایئر پورٹ کی طرف فائر کیا گیا تھا۔
اسرائیلی ڈیفنس فورسز (IDF) نے تصدیق کی ہے کہ یہ میزائل اسرائیلی حدود میں داخل ہونے سے پہلے ہی روک دیا گیا۔
اس حملے کے نتیجے میں اسرائیل میں کئی مقامات پر سائرن بجائے گئے، لیکن کوئی جانی نقصان نہیں ہوا۔
حوثی باغیوں نے کہا ہے کہ ہم فلسطینیوں کی حمایت میں اسرائیل پر حملے جاری رکھیں گے۔
