بھارتی ٹیلی کام کمپنی اسٹار لنک انٹرنیٹ سروسز کے لیے اسپیس ایکس سے معاہدے کے لیے تیار ہے۔
غیر ملکی خبر ایجنسی کے مطابق بھارتی تاجر مکیش امبانی کی ٹیلی کام کمپنی نے اسٹار لنک کی انٹرنیٹ سروسز حاصل کرنے کے لیے ایلون مسک کی اسپیس ایکس کے ساتھ معاہدے کا اعلان کیا ہے۔
بھارتی ٹیلی کام کمپنی کے بیان میں کہا گیا کہ یہ بھارت میں ہونے والا پہلا معاہدہ ہے تاہم اسپیس ایکس کو بھارت میں آپریشنز کا آغاز کرنے کے لیے حکومت کی منظوری درکار ہو گی۔
میڈیا کی رپورٹس کے مطابق معاہدے کے تحت امریکی سیٹلائٹ انٹرنیٹ کمپنی بھارتی ٹیلی کام کمپنی کے ریٹیل اسٹور نیٹ ورک کو اپنی ڈیوائسز تقسیم کرنے کے لیے استعمال کر سکے گی۔
