بھارت کے تجارتی مرکز ممبئی میں ایک شخص نے ہوٹل کے کمرے میں خودکشی کرلی، اور جس کمپنی میں وہ کام کرتا تھا اس کی ویب سائٹ پر اپ لوڈ کیے گئے اپنے سوئیسائیڈ نوٹ (خودکشی سے قبل تحریر) میں اس کا ذمہ دار اپنی بیوی کو قرار دیا۔
پولیس کے مطابق41 سالہ نشانت ترپاٹھی نامی اس شخص نے یہ انتہائی اقدام گزشتہ جمعہ کو ممبئی میں واقعہ سہارا ہوٹل کے ایک کمرے میں کیا۔ رپورٹ کے مطابق اسکی بیوی اور بیوی کی آنٹی اسے مبینہ طور پر ہراساں کیا کرتی تھیں۔
بتایا جاتا ہے کہ وہ اس ہوٹل میں تین قبل آیا تھا اور اس نے خودکشی سے قبل ڈو ناٹ ڈسٹرب کی علامت اپنے کمرے پر لگا رکھی تھی جو گیسٹ پرائیویسی کے لیے نصب کرتے ہیں۔
ہوٹل اسٹاف کو جب طویل وقت تک کوئی جواب نہ ملا تو انھوں نے ماسٹر کی سے روم کا دروازہ کھولا تو اسے مردہ پایا اور پولیس کو اطلاع دی۔ پولیس نے معاملے تفتیش شروع کر دی ہے۔
