آسٹریلوی فاسٹ بولر مچل اسٹارک نے آئی سی سی چیمپئنز ٹرافی سے دستبردار ہونے کی وجہ بتا دی۔
مچل اسٹارک نے ٹخنے کی انجری کو چیمپئنز ٹرافی سے دستبرادی کی وجہ قرار دے دیا۔
آسٹریلوی فاسٹ بولر نے کچھ ذاتی وجوہات کو بھی چیمپئنز ٹرافی سے دستبرداری کی وجہ بتایا ہے۔
اس حوالے سے مچل اسٹارک کا کہنا ہے کہ چیمپئنز ٹرافی نہ کھیلنے کی کئی وجوہات تھیں، ان میں کچھ ذاتی تھیں، میرے ٹخنے میں مسلسل درد رہ رہا تھا، میں اسے آرام دینا چاہتا تھا۔
انہوں نے کہا کہ ابھی جلد بھارتی لیگ بھی شروع ہونے والی ہے، لیکن سب سے بڑھ کر ٹیسٹ چیمپئن شپ کا فائنل ہے، میں اپنی باڈی کو ٹیسٹ کے فائنل کے لیے تیار رکھنا چاہتا ہوں۔
مچل اسٹارک کا یہ بھی کہنا ہے کہ اگلے 2 ماہ میں کچھ کرکٹ کھیلوں گا تو پھر ٹیسٹ کے فائنل کے لیے تیار ہوں گا۔
