پاکستان کی اے ایف سی ایشین کپ کوالیفائرز میں شرکت مشکوک ہو گئی۔
ایشین فٹ بال کنفیڈریشن نے پاکستان فٹ بال فیڈریشن (پی ایف ایف) کو 4 مارچ تک کی مہلت دے دی۔
ایشین فٹبال کنفیڈریشن کی جانب سے پاکستاں فٹبال فیڈریشن کو خط لکھا گیا ہے۔
خط کے متن کے مطابق اگر 4 مارچ تک پی ایف ایف کی معطلی ختم نہ ہوئی تو پاکستان ٹورنامنٹ سے باہر ہو جائے گا۔
فیفا قوانین کے مطابق ایونٹ کے پہلے میچ سے 3 ہفتے قبل معطلی ختم ہونا لازمی ہے۔
یاد رہے کہ فیفا نے گزشتہ دنوں پاکستان فٹبال فیڈریشن کی رکنیت معطل کر دی تھی۔
