پاکستانی معروف اداکاراؤں نے دبئی میں بھارتی نامور اداکار سنیل شیٹی سے ملاقات کی ہے۔
سوشل میڈیا پر بھارتی اداکار سنیل شیٹی المعروف انا کی پاکستانی اداکاراؤں کے ساتھ تصویریں وائرل ہوئی ہیں۔
ان اداکاراؤں میں زارا نور عباس، حرا مانی اور سعدیہ خان شامل ہیں۔
اداکاراؤں کی سنیل شیٹی سے ملاقات ’فین موومنٹ‘ دبئی میں جاری کرکٹ ٹورنمنٹ کے دوران ہوئی۔
اداکارہ حرا مانی نے اپنے سوشل میڈیا اکاؤنٹ انسٹاگرام پر سنیل شیٹی کے ساتھ تصویر بھی شیئر کی ہے۔
نامور بھارتی اداکار کے ساتھ تصویر بنوانے پر پاکستانی انٹرنیٹ صارفین مذکورہ اداکاراؤں سے خفا نظر آ رہے ہیں۔
صارفین وائرل تصویروں کے کمنٹ باکس میں اداکاراؤں پر یوں ہاتھ باندھے بھارتی اداکار کے ساتھ تصویر بنوانے پر تنقید کر رہے ہیں۔
