امریکی صدر ڈونلڈ ٹرمپ نے کہا ہے کہ محصولات میں اضافے سے کچھ تکلیف ہوگی لیکن اس کے نتائج شاندار ہوں گے۔
ایک بیان میں امریکی صدر نے کہا کہ جو ملک امریکا کی درآمدات پر ٹیرف لگائے گا، امریکا اس پر اور ٹیرف لگائے گا۔
انہوں نے کہا کہ یہ امریکا کا سنہری دور ہوگا، ہم امریکا کو پھر سے عظیم بنائیں گے، امریکا اب عقلمندی کے ساتھ چلایا جارہا ہے، جس کے نتائج شاندار ہوں گے۔
ڈونلڈ ٹرمپ نے مزید کہا کہ کیوں ہم کینیڈا کو سبسڈی دینے کےلیے سیکڑوں ارب ڈالر ادا کرتے ہیں؟ ہمیں کینیڈا کے پاس کسی بھی چیز کی ضرورت نہیں۔
اُن کا کہنا تھا کہ کینیڈا کو ہماری 51ویں ریاست بننا چاہیے، کینیڈا کے لوگوں کےلیے بہتر فوجی تحفظ اور کوئی ٹیرف نہیں ہوگا۔
