اسلام آباد(صالح ظافر) متحدہ عرب امارات (یو اے ای) میں پاکستان کے سفیر فیصل نیاز ترمذی نے دنیا کے مختلف حصوں میں پاکستان کی برآمدات کو متنوع شعبوں میں بڑھانے کی اہمیت پر زور دیا ہے تاکہ پائیدار معاشی ترقی حاصل کی جا سکے۔پیر کو دبئی ورلڈ ٹریڈ سینٹر (WTC) میں عرب ہیلتھ 2025 کے دوران پاکستان پویلین کا افتتاح کرتے ہوئے انہوں نے پاکستان کے جراحی اور طبی مصنوعات کے عالمی سطح پر تسلیم شدہ معیار کو سراہا اور صحت کے شعبے میں ملک کی خدمات پر فخر کا اظہار کیا۔
