ممبئی (نیوزڈیسک)بھارتی ریاست مہاراشٹرا کے سابق وزیر اعلیٰ اور کانگریس رہنما پرتھوی راج چوہان نے اعتراف کیا ہے کہ بھارت آپریشن سندور کے پہلے دن ہی جنگ ہار گیا تھا۔نگریس رہنما پرتھوی راج چوہان نے کہا کہ سات مئی کوآدھے گھنٹے کی فضائی لڑائی میں ہمارے جہازوں کو مار گرایا گیا دو تین دن میں جو کچھ ہوا وہ صرف فضائی جنگ اور میزائل وار تھی، مستقبل میں بھی اسی طرح جنگیں لڑی جائیں گی۔ دوسری جانب پرتھوی راج چوہان کے اس بیان نے سیاسی حلقوں میں ایک ہنگامہ کھڑا کردیا ہے تاہم سابق وزیر اعلیٰ نے اپنے مذکورہ بیان کے لیے معافی ماننے سے بھی انکار کردیا۔غیرملکی میڈیا رپورٹس کے مطابق بھارتی ریاست مہاراشٹرا کے سابق وزیر اعلیٰ اور کانگریس رہنما پرتھوی راج چوہان نے اعتراف کیا ہے کہ بھارت آپریشن سندور کے پہلے دن ہی جنگ ہار گیا تھا۔پرتھوی راج چوہان نے ایک پریس کانفرنس میں کہا کہ 7 مئی کو آدھے گھنٹے کی فضائی لڑائی میں ہمارے جہازوں کو مار گرایا گیا اور ہم مکمل طور پر یہ جنگ ہار گئے تھے۔سابق وزیراعلیٰ مہاراشٹرا کا کہنا تھا کہ پہلے دن کی لڑائی کے بعد بھارتی ائیر فورس کے جہازوں کو گراؤنڈ کر دیا گیا تھا کیونکہ لڑائی پر بھیجنے کی صورت میں انہیں پاکستان ائیر فورس کی جانب سے مار گرائے جانے کا خدشہ تھا۔
