ایڈیشنل آئی جی کراچی جاوید عالم اوڈھو کی زیرِ صدارت کرسمس کے موقع پر سیکیورٹی سے متعلق اجلاس ہوا۔
پولیس ترجمان نے بتایا ہے کہ اجلاس میں پولیس افسران اور مسیحی برادری کے نمائندوں نے شرکت کی۔
اجلاس میں 25 دسمبر کے موقع پر شہر بھر میں امن و امان، سیکیورٹی اور ٹریفک انتظامات کا تفصیلی جائزہ لیا گیا۔
اجلاس میں کرسمس کے موقع پر شہر بھر کے گرجا گھروں کی حفاظت اور نگرانی کے لیے جامع سیکیورٹی پلان ترتیب دیا گیا۔
ایڈیشنل آئی جی کراچی نے ہدایت کی کہ گرجا گھروں کو آنے جانے والے راستوں، گزرگاہوں اور اطراف میں سخت سیکیورٹی اقدامات یقینی بنائے جائیں۔
