سیکیورٹی فورسز نے ڈیرہ اسماعیل خان کے علاقے کلاچی میں بھارتی پراکسی فتنہ الخوارج کی موجودگی کی اطلاع پر آپریشن کیا، فائرنگ کے تبادلے میں 7 خوارج مارے گئے۔
آئی ایس پی آر کے مطابق فائرنگ کے تبادلے میں نائیک یاسر خان نے جامِ شہادت نوش کیا، مارے گئے دہشت گردوں سے اسلحہ اور گولہ بارود برآمد کیا گیا۔
ہلاک خوارج دہشت گردی کی متعدد سرگرمیوں میں ملوث تھے، علاقے میں کسی بھی دوسرے بھارتی اسپانسرڈ خوارج کے خاتمے کے لیے کلیئرنس آپریشن جاری ہے۔
آئی ایس پی آر کا کہنا ہے کہ ملک سے غیر ملکی سرپرستی میں دہشت گردی کے ناسور کا مکمل خاتمہ کیا جائے گا، سیکیورٹی فورسز اور قانون نافذ کرنے والے اداروں کی انسدادِ دہشت گردی مہم پوری قوت سے جاری رہے گی۔
