جدیدت کا میدان وسیع کرنے کے لیے ٹیکنالوجی کمپنیز نت نئی چیزیں تیار کررہی ہیں۔ اس ضمن میں ٹیکنالوجی گوگل نے آرٹیفیشل انٹیلی جنس سے چلنے والے چشمہ متعارف کرنے کی تیاری کررہی ہے، جس سے کمپنی کا اے آئی اسسٹنٹ جیمینائی براہ راست لوگوں کے چہرے پر آجائے گا۔
گوگل کے مطابق کمپنی دو مختلف اقسام کے اے آئی گلاسز پر کام کر رہی ہے جن کو معمول کے چشموں یا سن گلاسز کی طرح پورا دن پہننے کے لیے ڈیزائن کیا گیا ہے۔
پہلے ان میں ایسے اے آئی گلاسز ہیں جو اسکرین فری اسسٹنس کے لیے ڈیزائن کیے گئے ہیں جو بلٹ اِن اسپیکر، مائیکروفونز اور کیمرا استعمال کرتے ہیں، تاکہ صارف جیمینائی کے ساتھ قدرتی طریقے سے چیٹ کر سکے، تصاویر لے سکے اور مدد حاصل کر سکے۔
علاوہ ازیں ڈسپلے اے آئی گلاسز ہیں جن میں ایک اِن-لینس ڈسپلے شامل کیا گیا ہے، تاکہ صارف مددگار معلومات نجی طور پر ضرورت کے وقت دکھ سکے، جیسے کہ سمت کا رخ یا ترجمے کے کیپشن وغیرہ۔ پہلے گلاسز کی لانچ آئندہ برس کے ابتداء میں متوقع ہے۔
