کراچی (نیوز ڈیسک)امریکا میں کارروائی، اسمگلرز سے 60 ملین ڈالر مالیت کے این ویڈیا چپس ضبط کرلیے گئے۔ غیر ملکی میڈیا کے مطابق امریکی حکام نے چین کو ایڈوانسڈ AI چپس اسمگل کرنے والے گروہ کو گرفتار کر کے اس کے غیر قانونی آپریشن کو ختم کر دیا ہے، جس کے دوران این ویڈیا کے H100 اور H200 چپس مالیت تقریباً 60 ملین امریکی ڈالر ضبط کیے گئے۔ یہ واقعہ امریکی ایکسپورٹ کنٹرولزکی خلاف ورزی کے سنگین کیس کی نشاندہی کرتا ہے، کیونکہ AI چپس اب قومی سلامتی کے لیے ایک اہم اسٹریٹجک وسیلہ بن چکے ہیں۔
