قابض بھارتی انٹیلی جنس ایجنسیز نے ایک اور کشمیری نوجوان کو بہیمانہ تشدد کے بعد قتل کر دیا۔
کشمیر میڈیا سروس (کے ایم ایس) کے مطابق کشمیری نوجوان کی شناخت خالد شریف بٹ کے نام سے ہوئی ہے جس کی مسخ شدہ لاش مقبوضہ جموں و کشمیر کے علاقے وجے پور سے ملی۔
سوگوار خاندان نے اس بہیمانہ قتل پر بھرپور احتجاج کیا جبکہ حریت رہنما عبدالحمید نے خالد بٹ کے بہیمانہ قتل کی شدید مذمت کی ہے۔
ان کا کہنا ہے کہ کشمیری نوجوان کو بھارتی ایجنسیز نے اغواء کر کے تشدد کا نشانہ بنایا اور وہ تشدد کے دوران شہید ہوا۔
