پاکستان ویمنز فٹبال ٹیم پہلی بار فیفا سیریز میں شامل ہوگئی، فیفا نے ویمنز فٹبال ٹیم کو سیریز میں شامل کرنے کی منظوری دے دی ہے۔
پاکستان فٹبال فیڈریشن (پی ایف ایف) کا کہنا ہے کہ فیفا سیریز میں شمولیت پاکستان میں ویمنز فٹبال کی بڑھتی ہوئی ترقی کا اعتراف ہے۔
پاکستان فٹبال فیڈریشن کے مطابق پاکستان ویمنز نیشنل ٹیم کے لیے یہ نئے دور کا آغاز ہے، فیفا سیریز سے کھلاڑیوں کو انٹرنیشنل سطح کے مقابلے کھیلنے کو ملیں گے۔
فیفا سیریز مارچ اور اپریل 2026 میں کھیلی جائے گی جس کا آغاز برازیل، آئیوری کوسٹ اور تھائی لینڈ میں ہوگا۔ خواتین فیفا سیریز کے تمام گروپس کا اعلان 2026 کے اوائل میں متوقع ہے۔
