سینئر اداکار بہروز سبزواری نے ایک سے زائد شادیاں کرنے والے مردوں کو تنقید کا نشانہ بنایا ہے۔
بہروز سبزواری نے حال ہی میں ایک سے زائد شادیوں کے رجحان پر کھل کر بات کی ہے، ایک شو میں انہوں نے مردوں کی دوسری شادی کے موضوع پر رائے دی۔
بہروز سبزواری کئی کامیاب ڈراموں میں شاندار اداکاری کر چکے ہیں اور آج کل جیو ٹی وی کے ہٹ ڈرامہ مہرا میں اپنی پرفارمنس کے باعث سوشل میڈیا پر تعریفیں سمیٹ رہے ہیں، وہ اپنے بے باک مؤقف کی وجہ سے بھی شہرت رکھتے ہیں۔
شو کے دوران گفتگو کرتے ہوئے انہوں نے کہا کہ اگر آپ کی پہلی بیوی موجود ہے، زندہ ہے، خواہ اچھی ہو یا بری، وہ اللّٰہ کی بہت بڑی نعمت ہے، اس کی موجودگی میں دوسری شادی کرنا آپ کی زندگی کی ایک بڑی آزمائش ہوگی۔
ان کا کہنا تھا کہ خیر میں سب نہیں کہنا چاہتا اگر آپ کی بیوی اچھی ہے تو دوبارہ شادی کی ضرورت ہی کیا ہے؟
انہوں نے مثال دیتے ہوئے کہا کہ اقرار الحسن نے 3 شادیاں کی ہیں، اب اگر وہ ایک اور کر لیں تو ہم کیا کریں گے؟ وہ حال ہی میں ایک فلائٹ میں میرے ساتھ تھے، اس لیے فوراً ذہن میں آ گئے۔
