دفتری وقت کے بعد نہ فون کال ریسیو اور نہ ہی اپنے پیشہ ورانہ کام سے متعلق ای میل چیک کی جانی چاہیے۔
بھارتی پارلیمنٹ کے ایوان زیریں لوک سبھا میں ’رائٹ ٹو ڈسکنکٹ‘ بل متعارف کرادیا گیا ہے۔
بل میں اسے قانون بنانے کا مطالبہ کرتے ہوئے تجویز دی گئی ہے کہ ہر ملازمت پیشہ فرد کا حق ہونا چاہیے کہ وہ ملازمت کے اوقات کے بعد اور چھٹی کے دنوں میں اپنے کام سے متعلق فون کالز اور ای میلز سے لاتعلق ہو جائے۔
لوک سبھا میں خواتین کو مخصوص ماہانہ ایام میں دفتر کے اندر ہائی جین سہولتیں دینے اور ان ایام کی ’’پیڈ لیو‘‘ دینے کے بل بھی پیش کیے گئے۔
اس کے ساتھ بھارت میں سزائے موت کے خاتمے اور صحافیوں کے تحفظ کے بل بھی پیش کیے گئے۔
