بانی پی ٹی آئی نے جیل کی صورتحال پر اسلام آباد ہائیکورٹ میں درخواست دائر کردی۔ درخواست میں بانی پی ٹی آئی نے بہتر کلاس اور جیل میں سہولتوں کی فراہمی کی استدعا کی ہے۔
بانی پی ٹی آئی نے درخواست میں موقف اختیار کیا کہ سپرنٹنڈنٹ اڈیالہ جیل نے جیل سہولتوں کی فراہمی میں رکاوٹ ڈالی ہے۔
درخواست میں کہا گیا ہے کہ اخبارات، ٹی وی اور ورزش کے سامان تک رسائی نہیں دی جا رہی۔
درخواست کے مطابق ذاتی لباس اور بستر فراہم کرنے میں تاخیر پیدا کی جا رہی ہے، جبکہ ذاتی ڈاکٹر سے چیک اپ کے لیے خلل ڈالا جا رہا ہے۔
درخواست کے مطابق عدالت سے منظور شدہ طبی پینل کے انتظامات کی خلاف ورزی کی جا رہی ہے، جیل میں بلاجواز بجلی کی فراہمی معطل کی جا رہی ہے۔
درخواست میں موقف اختیار کیا گیا کہ عدالتی احکامات کے باوجود بیرونِ ملک بیٹوں سے بات نہیں کروائی جا رہی ہے۔
