انٹرنیشنل کرکٹ کونسل نے ٹیسٹ کرکٹ کو دو درجوں میں کرانے پر غور شروع کر دیا ہے۔
لندن سے برطانوی میڈیا کے مطابق ڈویژن ون اور ڈویژن ٹو میں چھ، چھ ٹیمیں شامل کرنے کی تجویز ہے، آئی سی سی نے دو ڈویژن کی ٹیسٹ کرکٹ پر اسٹڈی کیلئے ورکنگ گروپ تشکیل دے دیا۔
ورکنگ گروپ اس سال کے آخر تک انٹرنیشنل کرکٹ کونسل کو رپورٹ پیش کرے گا۔ ابتدائی تجویز کے مطابق ٹاپ چھ اور نچلی چھ ٹیمیں علیحدہ علیحدہ ڈویژن میں کھیلیں گی۔
برطانوی میڈیا کے مطابق تجاویز منظور ہونے کی صورت میں 2027 کے سائیکل میں اسکو نافذ کیا جاسکتا ہے۔
برطانوی میڈیا کے مطابق دونوں ڈویژن میں ٹیموں کے پرموشن اور ریلیگشن کے معاملہ پر چیلنج کا سامنا ہے۔
