پاکستان میں ذیابیطس کے 30 فیصد مریض ذہنی تناؤ کا بھی شکار ہیں۔
ذیابیطس کے ماہر پروفیسر عبدالباسط کے مطابق پاکستان میں 33 ملین سے زائد لوگ ذیابیطس میں مبتلا ہیں اور ان میں سے 30 سے 40 فیصد ذہنی تناؤ کا شکار بھی ہیں۔
انہوں نے پاکستان میں ذہنی صحت کے پیشہ ور افراد کی شدید کمی کو بھی اُجاگر کیا۔
اسی سیشن کے دوران انڈس اسپتال اینڈ ہیلتھ نیٹ ورک کے صدر ڈاکٹر عبدالباری خان نے اس بات پر زور دیا کہ ادارہ نہ صرف مفت، اعلیٰ معیار کا علاج فراہم کرتا ہے بلکہ صحت پر مبنی تحقیق کے ذریعے عوامی آگاہی بڑھانے کے لیے بھی پُرعزم ہے۔
