محکمۂ ایکسائز اسلام آباد نے گاڑی کی ملکیتی نمبر پلیٹس کا اجراء کردیا۔
نوٹیفکیشن کے مطابق ایکسائز ڈپارٹمنٹ ٹرانسفر کی گئی گاڑی کو نیا نمبر جاری کرے گا۔
جاری کیے گئے نوٹیفکیشن میں بتایا گیا ہے کہ گاڑی کو جاری ہونے والا نمبر مالک سے مستقل منسلک ہو گا۔
نوٹیفکیشن میں کہا گیا ہے کہ ملکیتی نمبر پلیٹ کے فیصلے کا اطلاق نوٹیفکیشن کے اجراء سے قبل اور بعد کے نمبرز پر ہو گا۔
نوٹیفکیشن میں بتایا گیا ہے کہ گاڑی فروخت کرنے والا رجسٹریشن نمبر اسلام آباد ایکسائز کو جمع کرائے گا، مالک گاڑی کا نمبر ایک سال تک بلا استعمال اپنے نام رکھ سکے گا۔
ڈائریکٹر ایکسائز کے مطابق گاڑی کی رجسٹریشن پر نمبر پلیٹ ملکیتی بنیاد پرجاری ہو گی، ایک سال میں عدم استعمال پر گاڑی نمبر منسوخ ہو جائے گا۔
