مصر میں شادی کے روز دولہا نے اپنی دلہن کو جان بوجھ کر تالاب میں گرا دیا، جس کی ویڈیو سوشل میڈیا پر وائرل ہوگئی۔
ویڈیو دیکھنے کے بعد صارفین کی جانب سے شدید غصے کا اظہار کیا جارہا ہے۔
یہ واقعہ مصر میں پیش آیا اور اسے شادی کے فوٹوگرافر عماد نے اپنے کیمرے میں محفوظ کیا۔
دولہا دلہن کو اٹھاکر تالاب کے قریب لے جاتا ہے، جہاں اچانک وہ جان بوجھ کر اُسے چھوڑ دیتا ہے۔ دلہن پانی میں گرتے ہی ہکابکا رہ جاتی ہے، جبکہ دولہا خوشی سے ہاتھ ہوا میں لہرا کر اپنی “کامیابی” کا جشن مناتا ہے۔
واقعے پر تبصرہ کرتے ہوئے سوشل میڈیا صارفین نے اسے خطرناک رویہ قرار دیا ہے، ایک صارف نے کہا کہ اگر یہ واقعہ باہمی رضامندی کے بغیر کیا گیا ہے، تو یہ دلہن کی عزت نفس کو شدید ٹھیس پہنچانے والا عمل ہے۔
دیگر ماہرین نے بھی اس رویے کو ازدواجی تعلقات میں طاقت کے عدم توازن اور عدم احترام کی علامت قرار دیا۔
