کراچی:
سری لنکا کے خلاف گزشتہ دنوں تاریخی سیریز فتح میں کردار ادا کرنے والے بنگلا دیشی اسپنر مہدی حسن نے ہربھجن سنگھ کا 13 سال پرانا ریکارڈ توڑ دیا۔
تیسرے اور آخری ٹی20 میں بنگلا دیش نے سری لنکا کو 8 وکٹوں سے شکست دے کر سیریز 2-1 سے اپنے نام کی۔
مہدی حسن نے 4 اوورز میں صرف 11 رنز دے کر 4 کھلاڑیوں کو آؤٹ کیا اور آرپریما داسا اسٹیڈیم میں ٹی20 انٹرنیشنل کی بہترین بولنگ کا نیا ریکارڈ بھی قائم کیا۔
اس سے قبل یہ ریکارڈ بھارت کے ہربھجن سنگھ کے قبضے میں تھا جنہوں نے 2012 کے ورلڈ کپ میں اسی مقام پر 12 رنز دیکر 4 شکار کیے تھے۔
