چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ بلا مقابلہ انتخابات ہونا کوئی نئی بات نہیں ہے۔
جیو نیوز سے گفتگو کرتے ہوئے بیرسٹر گوہر نے کہا کہ سینیٹ کے موجودہ امیدواروں کی منظوری بانی پی ٹی آئی نے دی ہے، بانی کے فیصلے پر عمل درآمد پوری پارٹی پر لازم ہے۔
بیرسٹر گوہر نے کہا کہ ناراض پارٹی رہنماؤں کے تحفظات دور کرنا ہمارا فرض ہے، پارٹی کے اندرونی معاملات جلد حل ہوں گے، عرفان سلیم اور دیگر رہنماؤں سے بات چیت کی ہے، امید ہے کوئی پارٹی ورکر، رہنما پارٹی منشور کی خلاف ورزی نہیں کرے گا۔
پی ٹی آئی چیئرمین نے کہا کہ پی ٹی آئی دیرینہ ورکرز اور کارکنوں کی قدر کرتی ہے، تمام فیصلے پارٹی کے بہتر مفاد میں کیے جائیں گے۔
