برسلز / واشنگٹن (جنگ نیوز)مریکی صدر ڈونلڈ ٹرمپ کی جانب سے یورپی یونین سے درآمد کی جانے والی اشیا پر 30فیصد ٹیرف کے اعلان کے بعد یورپی یونین نے 84ارب ڈالر مالیت کی امریکی مصنوعات پر جوابی محصولات عائد کرنے کی تیاری مکمل کر لی ہے۔ امریکی اشیا میں گاڑیاں، طیاروں کے پرزے، مشینری، کیمیکلز، پھل، سبزیاں ،مشروب شامل ہیں۔ یورپی کمیشن کا کہنا ہے کہ وہ یکم اگست کی ڈیڈ لائن سے پہلے تجارتی معاہدے کے لیے آخری لمحات تک کوششیں جاری رکھے گا، تاہم اگر مذاکرات ناکام ہوئے تو سخت اقدام ناگزیر ہوں گے۔یورپی کمیشن برائے تجارت اور اقتصادی تحفظ کے سربراہ ماروش شیفچووچ نے واضح کیا ہے کہ امریکہ کے نئے ٹیرف کے بعد ٹرانس اٹلانٹک تجارتی تعلقات کو موجودہ شکل میں جاری رکھنا تقریباً ناممکن ہو جائے گا۔
