گیلپ پاکستان کے نئے سروے کے مطابق گزشتہ سال پاکستان کی نصف آبادی نے لنڈا بازاروں سے کپڑے خریدے۔
گیلپ اینڈ گیلانی پاکستان کے نئے سروے کے دوران 48 فیصد پاکستانیوں نے بتایا کہ انہوں نے گزشتہ سال لنڈا بازاروں سے استعمال شدہ کپڑے خریدے۔
سروے کا یہ نتیجہ صارفین کے رویے اور معاشی حقائق کی واضح عکاسی کرتا ہے اور قومی سطح پر لنڈا بازاروں کی پائیدار مطابقت کو نمایاں کرتا ہے۔
سروے کے دوران لوگوں سے یہ سوال پوچھا گیا کہ’کیا آپ نے گزشہ سال میں لنڈا بازار سے کپڑے، سوئٹر یا کوٹ خریدے ہیں؟‘
اس سوال کے جواب میں 48 فیصد لوگوں نے ’ہاں‘ میں جواب دیا جبکہ 51 فیصد نے جواب دیا کہ ’نہیں‘ اور صرف 1 فیصد لوگوں نے کوئی جواب نہیں دیا۔
یہ سروے رواں سال 7 سے 22 مارچ 2025ء کے درمیان کمپیوٹر اسسٹڈ ٹیلی فون انٹرویو (CATI) کا استعمال کرتے ہوئے کیا گیا جس میں ملک کے چاروں صوبوں کے شہری اور دیہی علاقوں سے مجموعی طور پر 779 مرد و خواتین نے شرکت کی۔
