سعودی محکمہ موسمیات نے مشرقی ریجن کے بیشتر شہروں اور ریاض ریجن کے کئی شہروں کے لیے ریڈ الرٹ جاری کیا ہے۔
ریاض سے جاری اس الرٹ کے مطابق الدمام، الخبر، الاحسا، بقیق، العدید، الجبیل، قطیف، راس تنورہ میں شدید گرمی متوقع ہے جبکہ الخفجی، النعیریہ، حفرالباطن اور دیگر شہروں میں بھی شدید گرمی ہے۔
سعودی محکمہ موسمیات کے مطابق آج دن کے اوقات میں درجہ حرارت 50 ڈگری تک پہنچ جائے گا، ریاض ریجن کے الخرج، الافلاج اور الدوادمی میں درجہ حرارت 48 ڈگری سینٹی گریڈ تک متوقع ہے۔
عفیف، السلیل کے علاوہ دیگر شہروں میں بھی درجہ حرارت 48 ڈگری تک پہنچنے کا امکان ہے۔ جبکہ مدینہ منورہ کے علاوہ متعدد شہروں میں مطلع غبار آلود ہوگیا ہے، شام 7 بجے تک حد نگاہ متاثر ہوگی۔
